...

Azərbaycan Rabitəsinin yaranmasının 130 illiyi ilə bağlı jurnalistlər arasında yazı müsabiqəsi elan edilib

Cəmiyyət Materials 4 Noyabr 2011 18:03 (UTC +04:00)
Rabitə və İnformasiya Texnologiyaları Nazirliyi və Prezident yanında Kütləvi İnformasiya Vasitələrinn İnkişafına Dövlət Dəstəyi Fondu Azərbaycan Rabitəsinin yaranmasının 130 illiyi ilə əlaqədar jurnalistlər arasında yazı müsabiqəsi elan edib.
Azərbaycan Rabitəsinin yaranmasının 130 illiyi ilə bağlı jurnalistlər arasında yazı müsabiqəsi elan edilib

Trend-i buradan izləyin

Azərbaycan, Bakı, 4 noyabr /Trend, müxbir E.Mehdiyev/

Rabitə və İnformasiya Texnologiyaları Nazirliyi və Prezident yanında Kütləvi İnformasiya Vasitələrinn İnkişafına Dövlət Dəstəyi Fondu Azərbaycan Rabitəsinin yaranmasının 130 illiyi ilə əlaqədar jurnalistlər arasında yazı müsabiqəsi elan edib.

KİV-in İnkişafına Dövlət Dəstəyi Fondunun mətbuat xidmətindən Trend-ə verilən məlumata görə, müsabiqənin məqsədi Azərbaycanda informasiya və kommunikasiya texnologiyaları sahəsində həyata keçirilən proseslərin geniş ictimaiyyətə daha yaxından çatdırılmasında peşəkar jurnalist yaradıcılığını stimullaşdırmaq, İKT sahəsində ixtisaslaşmış jurnalistlər qrupunun formalaşmasına dəstək göstərmək, İKT mövzusunun mediada geniş şəkildə işıqlandırılmasına şərait yaratmaqdan ibarətdir.

Müsabiqə elan olunan günədək ən azı bir il müddətində kütləvi informasiya vasitələrində fasiləsiz işləyən jurnalistlər müsabiqədə iştirak edə bilərlər. Müsabiqəyə hər jurnalist yalnız bir yazı təqdim edə bilər.

Müsabiqəyə təqdim olunmuş yazıların mükafatlandırılması aşağıdaki kimidir: I yer - 1000 manat, II yer - 800 manat, III yer - 600 manat, həvəsləndirici mükafat - 300 manat.

Xəbər lenti

Xəbər lenti