Azərbaycan, Bakı, 1 dekabr / Trend müxbir İ.İsabalayeva/
Heydər Əliyev Fondu, Mstislav Rostropoviç Fondu və Mədəniyyət və Turizm Nazirliyinin təşkilatçılığı ilə Bakıda V Beynəlxalq Rostropoviç Festivalı keçiriləcək.
Mədəniyyət və Turizm Nazirliyinin mətbuat xidmətindən cümə axşamı Trend-ə verilən məlumata görə, festival dekabrın 4-10-da təşkil olunacaq.
Festivalda iştirak etmək üçün Rusiya, Belçika, ABŞ, Almaniya, Cənubi Koreya, Fransadan dünya şöhrətli musiqiçilər və kollektivlər - Viktor Tretyakov, Dmitri Yurovski, So Younq Yoon, İqnat Soljenitsın, Antverpen Simfonik Orkestri, Nijni Novqorod Simfonik Orkestri, Qalina Vişnevskayanın Opera Mərkəzi, Vsevolod Quzov, Ensemble Orchestral de Paris, Lourens Foster, Jan İv Tibode və başqaları iştirak edəcəklər.