Аzərbaycan, Bakı, 13 dekabr /Trend/
ATƏT-in Bakı ofisi tərəfindən dekabrın 12-13-də Gəncə şəhərində saxlanma yerlərində şübhəli və təqsirləndirilən şəxslərlə rəftara dair polis və Penitensiar Xidmət işçiləri üçün növbəti təlim keçirilib.
Ədliyyə Nazirliyi Penitensiar Xidmətin ictimaiyyətlə əlaqələr şöbəsindən çərşənbə axşamı Trend-ə verilən məlumata görə, Gəncə Qanunun Aliliyi Hüquq Resurs Mərkəzində keçirilən tədbirdə Xidməti 2 saylı istintaq təcridxanasının 10 nəfər əməkdaşı və ekspert qismində müəssisənin rəisi ədliyyə polkovnik-leytenantı Şakir Bayramov təmsil ediblər.
Beynəlxalq ekspert Trevor Servis və ATƏT-in Bakı ofisinin Qanunun aliliyi şöbəsinin əməkdaşı - hüquq məsələləri üzrə mütəxəssis Hans İnge Yorstad tədbirdə iştirak ediblər.