Azərbaycan, Bakı, 3 sentyabr /Trend, müxbir İ.İsabalayeva/
Bakının Qaradağ rayonunda avqustun 31-də səhər saatlarında sərnişin avtobusu ilə sərnişin qatarının toqquşması nəticəsində yaralanaraq Kliniki Tibbi Mərkəzə yerləşdirilən xəstələrdən ümumilikdə 9-u artıq evə buraxılıb. Bunu bazaar ertəsi Trend-ə mərkəzin baş həkimi Tərlan Bəbirov deyib.
Onun sözlərinə görə, hazırda Mərkəzdə 19 xəstə müalicə olunur. Onlardan altısının vəziyyəti orta-ağır qiymətləndirilir.
Qeyd edək ki, hadisə nəticəsində ümumilikdə 54 nəfər xəsarət alıb. Onlardan 6-sı dünyasını dəyişib.