Azərbaycan, Bakı, 11 sentyabr /Trend/
Bakının Neftçilər prospektinin 1,3 km-lik hissəsi yaxın günlərdə istifadəyə veriləcək.
Trend-in "Azəryolservis" ASC-nin rəsmi saytına istinadən verdiyi məlumata görə, Neftçilər prospektinin Dəniz Vağzalının qarşısından Yusif Səfərov küçəsinədək olan hissəsində işlər sürətlə davam etdirilir. 1,3 km-lik hissənin artıq 800 metrinə üç laydan ibarət asfalt-beton örtük döşənib. Hazırda 500 m-lik hissədə düzləndirici qatın vurulması işləri həyata keçirilir.
Hava şəraiti normal keçərsə, yaxın bir neçə gündə işlər başa çatdırılacaq.
