...

Misir Mərdanovun imtahan sessiyası ilə əlaqədar xəbərdarlığı

Cəmiyyət Materials 24 Dekabr 2012 10:45 (UTC +04:00)
Azərbaycanın təhsil naziri Misir Mərdanov 2012-2013-cü tədris ilinin payız semestrinin imtahan sessiyasını mövcud qaydalara uyğun təşkil etmək məqsədilə ali və orta ixtisas təhsili müəssisələrinin rəhbərlərinə bir sıra tapşırıqlar verib.
Misir Mərdanovun imtahan sessiyası ilə əlaqədar xəbərdarlığı

Trend-i buradan izləyin

Azərbaycan, Bakı, 24 dekabr /Trend, müxbir İ.İsabalayeva/

Azərbaycanın təhsil naziri Misir Mərdanov 2012-2013-cü tədris ilinin payız semestrinin imtahan sessiyasını mövcud qaydalara uyğun təşkil etmək məqsədilə ali və orta ixtisas təhsili müəssisələrinin rəhbərlərinə bir sıra tapşırıqlar verib.

Təhsil Nazirliyindən bazar ertəsi Trend-ə verilən məlumata görə, Mərdanovun bununla bağlı imzaladığı əmrə əsasən, ali və orta ixtisas təhsili müəssisələrinin rəhbərləri imtahan sessiyasının mövcud normativ sənədlər əsasında təşkil olunmasını təmin etməlidirlər.

Onlar rəhbərlik etdikləri təhsil müəssisələrində imtahan qərargahı və "Qaynar xətt" xidməti yaratmalı, qərargaha və "Qaynar xətt" xidmətinə daxil olan hər bir şikayət barədə nazirliyin "Qaynar xətt" xidmətinə operativ məlumat verilməsini, sessiyada şəffaflığı və ictimai nəzarətin gücləndirilməsini təmin etməlidirlər. İmtahanların təşkilində və gedişində nöqsanlara, neqativ hallara yol vermiş şəxslərə qarşı mövcud qanunvericiliyə uyğun tədbirlər görülməlidir.

Rektor və direktorlar rəhbərlik etdikləri təhsil müəssisəsində baş verə biləcək hər bir neqativ hala görə məsuliyyət daşıyırlar. Onlar imtahan sessiyasının təşkili, keçirilməsi və nəticələri barədə sessiya bitdikdən sonra 15 gün müddətinə Təhsil Nazirliyinə yekun hesabat verməlidirlər.

Bununla yanaşı, Təhsil Nazirliyinin əməkdaşlarının, nazirliyin Korrupsiyaya qarşı mübarizə üzrə işçi qrupuna daxil olan qeyri-hökumət təşkilatları və ictimaiyyət nümayəndələrinin iştirakı ilə təhsil müəssisələrində imtahan sessiyasının monitorinqinin keçirilməsini təmin edilməlidir.

Məqalədə:
Xəbər lenti

Xəbər lenti