...

ATGTİ-nin "Qış Parlamenti" yekunlaşdı (FOTO)

Cəmiyyət Materials 18 Fevral 2013 14:50 (UTC +04:00)
Cari ilin 11-17 fevral tarixlərində Gənclər və İdman Nazirliyinin dəstəyi ilə Azərbaycan Tələbə Gənclər Təşkilatları İttifaqı (ATGTİ) tərəfindən Xaçmazda reallaşdırılan “VI Liderlik Məktəbi - Qış Parlamenti" layihəsi artıq yekunlaşıb.
ATGTİ-nin "Qış Parlamenti" yekunlaşdı (FOTO)

Azərbaycan, Bakı, 18 fevral /Trend/

Cari ilin 11-17 fevral tarixlərində Gənclər və İdman Nazirliyinin dəstəyi ilə Azərbaycan Tələbə Gənclər Təşkilatları İttifaqı (ATGTİ) tərəfindən Xaçmazda reallaşdırılan "VI Liderlik Məktəbi - Qış Parlamenti" layihəsi artıq yekunlaşıb.

İttifaqdan Trend-ə verilən məlumata görə, "Qış Parlamenti" çərçivəsində geridə qalmış bir həftə ərzində paytaxt və region ali və orta ixtisas təhsil müəssisələrinin I və II kurs tələbələri (gənc parlamentarilər) 6 müxtəlif komitədə bir araya gələrək ekologiya, təhlükəsizlik, təhsil, sosial, iqtisadiyyat və aqrar siyasət və digər mövzuları müzakirə edərək, bu istiqamətlərdə qanun layihələri təklif ediblər.

Parlamentin sonuncu sessiyasında keçirilmiş səsvermədə gənc parlamentarilər fermer bazarlarının yaradılması, aztəminatlı ailələrdən olan tələbələrin sosial təminatının artırılması, velosipedlərdən istifadənin genişləndirilməsi qanun layihələrini dəstəkləyiblər.

Fevralın 16 keçirilmiş "Qış Parlamenti"nin bağlanış mərasimində ATGTİ-nin sədri Şahin İsmayilov tərəfindən gənc parlamentarilərə diplom təqdim edilib. Mərasimdə tələbə - gənclərə səslənən Şahin İsmayilov onları ATGTİ-nin yeni layihələrində də iştirak etməyə dəvət edib. "Parlamentdə iştirakınız Sizin hər biriniz üçün böyük uğurdur", - o bildirib.

Fevralın 17-də isə gənc parlamentarilər Xaçmaz şəhərinə səyahət etmiş, Xaçmaz rayon İcra Hakimiyyətinin başçısı Şəmsəddin Xanbabayev, millət vəkilləri Ziyad Səmədzadə və Arif Əşrafovla görüşərək, şəhərin Heydər Əliyev Mərkəzi, Xalça Muzeyi və Çənlibel parkı ilə tanış olmuşlar.

Məqalədə:
Xəbər lenti

Xəbər lenti