Azərbaycan, Bakı, 2 aprel /Trend, müxbir İ.İsabalayeva/
Azərbaycan Mədəniyyət və Turizm Nazirliyi indiyədək şəbəkəsindəki 500-ə yaxın kitabxananı birləşdirib. Bunu çərşənbə axşamı Trend-ə nazirliyin kitabxana sektorunun müdiri Lətifə Məmmədova bildirib.
Onun sözlərinə görə, kitabxanaların birləşdirilməsi işinə 2008-ci ildən başlanılıb.
"Bütün rayonlarda oxucusu az olan, aktiv fəaliyyət göstərməyən kiitabxanalar, onların fondları birləşdirilir. Bu proses daima aparılır. Ona görə də bizim dislokasiya xəritəmiz daim dəyişir", - Məmmədova deyib.
O qeyd edib ki, hazırda ölkədəki kitabxanaların sayı 3000-ə yaxındır.
Məmmədova kitabxanaların birləşdirilməsi prosedurunun bundan sonra hələ 1-2 il də həyata keçiriləcəyini bildirib.
"Kitabxanaların qarşısında ciddi tələblər qoyulur. Kitabxanalar müasir tələblərə cavab verməli, müasir oxucunun tələbatını ödəməlidir", - nazirlik rəsmisi əlavə edib.