...

Heydər Əliyev Fondu İmran Cəfərzadənin əməliyyatı üçün Almaniyada klinika müəyyənləşdirir

Cəmiyyət Materials 24 İyul 2013 23:42 (UTC +04:00)
Azərbaycan Prezidenti İlham Əliyevin tapşırığına əsasən, Heydər Əliyev Fondu akvaparkda bədbəxt hadisə nəticəsində ciddi xəsarət alan azyaşlı İmran Cəfərzadəyə zərurı tibbi yardımın göstərilməsi üçün təşkilati məsələlərin icrasına başlayıb.
Heydər Əliyev Fondu İmran Cəfərzadənin əməliyyatı üçün Almaniyada klinika müəyyənləşdirir

Trend-i buradan izləyin

Azərbaycan, Bakı, 24 iyul /Trend/

Azərbaycan Prezidenti İlham Əliyevin tapşırığına əsasən, Heydər Əliyev Fondu akvaparkda bədbəxt hadisə nəticəsində ciddi xəsarət alan azyaşlı İmran Cəfərzadəyə zərurı tibbi yardımın göstərilməsi üçün təşkilati məsələlərin icrasına başlayıb.

Fonddan Trend-ə verilən məlumata görə, onun Almaniyaya əməliyyata göndərilməsi haqqında qərar qəbul edilib və hazırda uşağa kömək göstərmək üçün ixtisaslaşdırılmış klinika müəyyənləşdirilir.

İmran Cəfərzadə üzərində əməliyyatın keçirilməsi üçün Heydər Əliyev Fondu bütün xərcləri öz üzərinə götürəcək.

Qeyd edək ki, iyulun 21-də Bakı şəhər sakini, 2010-cu il təvəllüdlü İmran Cəfərzadənin Xaçmaz rayonunun Seyidli kəndində fəaliyyət göstərən "Nabran Holiday Village" istirahət mərkəzində xəsarət alaraq Mərkəzi Rayon Xəstəxanasına yerləşdirilməsi barədə rayon prokurorluğuna daxil olmuş məlumat əsasında rayon prokurorluğu və polis şöbəsinin əməkdaşları tərəfindən hadisə yerinə baxış keçirilib, izahatlar alınıb, məhkəmə-tibbi ekspertizası təyin edilib və digər
zəruri prosessual hərəkətlər yerinə yetirilib. Aparılmış araşdırmalarla müəyyən edilib ki, İ.Cəfərzadə atası ilə birlikdə qeyd edilən tarixdə saat 12:30 radələrində istirahət etdikləri mərkəzin ərazisindəki hovuzun içərisində suda olarkən hovuzun yaxınlığında quraşdırılmış "Akvapark" adlanan qurğu işlək vəziyyətə gətirilib. Bu zaman su borusunun hovuzun içərisindəki
hissəsində təhlükəsizliyi təmin edəcək qoruyucu barmaqlıq olmadığından yaxınlıqda olan azyaşlı İ.Cəfərzadənin hər iki ayağı həmin borunun içərisinə daxil olaraq ağır bədən xəsarətləri alıb.

Faktla bağlı rayon prokurorluğunda Cinayət Məcəlləsinin 162.1 (əmək mühafizəsi qaydalarını pozma) və 314.2-ci (səhlənkarlıq) maddələri ilə cinayət işi başlanıb.

Məqalədə:
Xəbər lenti

Xəbər lenti