...

"ASAN xidmət"in təlim sistemi beynəlxalq konfransda təqdim olunub

Cəmiyyət Materials 8 Sentyabr 2014 14:45 (UTC +04:00)
Bolqarıstanın Elmlər Akademiyasının, Elm və Təhsil Fondunun, Alimlər İttifaqının birgə təşkilatçılığı ilə bu ölkədə keçirilən "Təhsil, Araşdırma və İnkişaf" adlı V Beynəlxalq Konfransda "ASAN xidmət"in təlim sisteminin təqdimatı keçirilib.
"ASAN xidmət"in təlim sistemi beynəlxalq konfransda təqdim olunub

Azərbaycan, Bakı, 8 sentyabr /Trend, müxbir Elçin Mehdiyev/

Bolqarıstanın Elmlər Akademiyasının, Elm və Təhsil Fondunun, Alimlər İttifaqının birgə təşkilatçılığı ilə bu ölkədə keçirilən "Təhsil, Araşdırma və İnkişaf" adlı V Beynəlxalq Konfransda "ASAN xidmət"in təlim sisteminin təqdimatı keçirilib.

Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin mətbuat xidmətindən Trend-ə verilən məlumata görə, Azərbaycan Prezidenti yanında Dövlət İdarəçilik Akademiyasının Dövlət qulluğu və kadr siyasəti kafedrasının dosenti, Azərbaycan Prezidenti yanında Vətən­daş­lara Xidmət və Sosial İnnovasiyalar üzrə Dövlət Agent­li­yinin Təlim sektorunun müdiri Nazənin Hüseynova konfransda "Səmərəli təlim sistemi Azərbaycanın idarəetmə brendi "ASAN xidmət"in prinsiplərindən biridir" adlı məruzə ilə çıxış edib.

Konfransda dövlət başçısı İlham Əliyevin digər sahələrlə yanaşı, kadr potensialının inkişafına verdiyi xüsusi önəm diqqətə çatdırılaraq, insan resurslarının for­malaşdırılması üçün aparılan islahatlardan, respublikamızda gedən sürətli sosial-iqtisadi inkişafın nəticəsində dövlət idarəetməsinin, idarəetmə münasibətlərinin, həmçinin vətəndaşla vəzifəli şəxslər arasındakı münasibətlərin modernləşməsi sahəsində kompleks islahatlardan bəhs olunub.

Müvafiq olaraq dövlət idarəet­məsinin modernizasiyası, şəffaflığın artırılması və idarəetmədə yeni fəaliyyət üslubunun formalaşdırılması istiqamətində mühüm tədbirlərdən bi­ri kimi Azərbaycan Prezidenti yanında Vətən­daş­lara Xidmət və Sosial İnnovasiyalar üzrə Dövlət Agent­li­yinin yaradılması xüsusi olaraq diqqətə çatdırılıb.

Dövlət Agentliyinin tabeliyində olan "ASAN xidmət" mərkəzlərinin təlim sistemini xüsusi vurğulayan N.Hüseynova bu sistemin mahiyyəti, strukturu, strategiyası və prinsipləri barədə iştirakçılara ətraflı məlumat verib.

Qeyd olunub ki, müasir təlim standartlarına və infrastruktura malik olan əhatəli, səmərəli, çevik və innovativ təlim sistemini yaratmaq, peşəkar, milli-mənəvi və korporativ dəyərlərə sadiq, yaradıcı düşüncəyə sahib kadr potensialını formalaşdırmaq "ASAN xidmət" modelinin təlim strategiyasının əsas məqsədidir.

Məqalədə:
Xəbər lenti

Xəbər lenti