Azərbaycan, Bakı, 14 may /Trend/
Səbail rayon məhkəməsində Dövlət Bayrağı Meydanı Kompleksi İdarəsinin sabiq rəisi Rəşad Məmmədovun barəsində həbs qətimkan tədbiri seçilib.
İşgəncələrə Qarşı Azərbaycan Komitəsinin sədri, hüquq müdafiəçisi Elçin Behbudov Trend-ə bildirib ki, Məmmədov hazırda Milli Təhlükəsizlik Nazirliyinin istintaq təcridxanasında saxlanılır.
O bu günlərdə R.Məmmədovla görüşəcəyini deyib: "Onun saxlanma şəraiti və səhhəti ilə maraqlanacağam".
E.Behbudov qeyd edib ki, R.Məmmədov dövlət tərəfindən vəkillə təmin olunub və hazırda istintaq aparılır.
Qeyd edək ki, martın 4-də Azərbaycan Prezidenti İlham Əliyev R.Məmmədovun Dövlət Bayrağı Meydanı Kompleksi İdarəsinin rəisi vəzifəsindən azad edilməsi haqqında sərəncam imzalayıb.
R.Məmmədov həmçinin "Azİmport" şirkətinin sahibidir.