...

Qədim Şəki torpağında ikinci beynəlxalq ənənəvi şirniyyat festivalı açılır

Cəmiyyət Materials 20 İyul 2015 10:39
Bu gün qədim Şəki torpağında ikinci beynəlxalq ənənəvi şirniyyat festivalı açılır. Festivalda 12 ölkədən Azərbaycana gəlmiş qənnadıçılar, eləcə də respublikamızın 21 şəhər və rayonunun şirniyyatçıları hazırladıqları nümunələri nümayiş etdirəcəklər.
Qədim Şəki torpağında ikinci beynəlxalq ənənəvi şirniyyat festivalı açılır

Trend-i buradan izləyin

Azərbaycan, Bakı, 20 iyul /Trend/

Bu gün qədim Şəki torpağında ikinci beynəlxalq ənənəvi şirniyyat festivalı açılır. Festivalda 12 ölkədən Azərbaycana gəlmiş qənnadıçılar, eləcə də respublikamızın 21 şəhər və rayonunun şirniyyatçıları hazırladıqları nümunələri nümayiş etdirəcəklər.

Mədəniyyət və Turizm Nazirliyindən Trend-ə verilən məlumata görə, tədbirdə Mədəniyyət və Turizm Nazirliyinin, Şəki Şəhər İcra Hakimiyyətinin və Azərbaycan Milli Kulinariya Assosiasiyasının birgə təşkilatçılığı ilə Şəki şəhərində ikinci beynəlxalq ənənəvi şirniyyat festivalı keçirilir.

Şəhər İcra Hakimiyyəti başçısının müavini, festivalın təşkilat komitəsinin üzvü Zərinə Cavadova bildirib ki, tədbirin rəsmi açılış mərasimi Şəki Olimpiya İdman Kompleksinin həyətində keçiriləcək.

Rəsmi hissədən sonra tədbir iştirakçıları burada sərgilənəcək geniş çeşiddə şirniyyat nümunələri ilə tanış olacaqlar. Festivalda 12 ölkədən - Türkiyə, Rusiya, Fransa, Yunanıstan, Rumıniya, Moldova, Şimali Kipr Türk Cümhuriyyəti, Qazaxıstan, Qırğızıstan, Serbiya, Koreya və İndoneziyadan gəlmiş qənnadıçılar, eləcə də respublikamızın 21 şəhər və rayonunun şirniyyatçıları hazırladıqları nümunələri nümayiş etdirəcəklər.

Şirniyyat nümunələri münsiflər heyəti tərəfindən qiymətləndiriləcək, fərqlənənlər mükafatlandırılacaqlar. Festival konsert proqramı ilə başa çatacaq.

Məqalədə:
Xəbər lenti

Xəbər lenti