Azərbaycan, Bakı, 22 iyul /Trend/
Azərbaycanlı məzunlar üçün Belarusda pulsuz ali təhsil almaq imkanı yaradılıb.
Azərbaycan vətəndaşlarının Belarusun ali təhsil müəssisələrində təhsil almağa cəlb olunması məqsədilə gənclərimiz üçün Belarus Təhsil Nazirliyi tərəfindən "Study in Belarus" maarifləndirici viktorinaları keçirilir. Bu barədə Trend Belarusun Azərbaycandakı səfirliyinə istinadən məlumat verir.
Viktorinalar www.studyin.edu.by saytında müsabiqə tapşırıqlarının yerləşdirilməsi vasitəsilə həyata keçirilir.
Viktorinaların nəticələrinə əsasən, yüksək bal toplayan 3 iştirakçı Belarusun ali təhsil ocaqlarında pulsuz təhsil almaq imkanı əldə edəcək.
Müsabiqədə iştirak etmək üçün ətraflı məlumat: www.studyin.edu.by