...

Sumqayıt sərnişin stansiyası sökülür

Cəmiyyət Materials 25 Avqust 2015 11:25 (UTC +04:00)
Sumqayıt sərnişin stansiyasında müasir iki mərtəbəli inzibati bina tikilir.
Sumqayıt sərnişin stansiyası sökülür

Azərbaycan, Bakı, 25 avqust /Trend, müxbir Elmir Murad/

Sumqayıt sərnişin stansiyası sökülür və yerində müasir iki mərtəbəli inzibati bina tikiləcək. Bunu Trend-ə açıqlamasında "Dəmir Yolları Qapalı Səhmdar Cəmiyyəti"nin mətbuat xidmətinin rəhbəri Nadir Əzməmmədov deyib.

N. Əzməmmədov deyib ki, stansiyada yaşayan 40 məcburi köçkün ailə köçürülüb, ailənin hər birinə təxminən 30 min manat həcmində vəsait ayrılıb.

Bu gün Sumqayıt baş stansiyasına daxil olmadan Sumqayıt sərnişin stansiyasına hərəkət etmək üçün 1,65 km uzunluğunda yeni birləşdirici yolun qoyuluşuna da başlanılıb. İlkin olaraq, bu yolun üzərində yoldəyişdirici qurğuları qoyulacaq. Eyni zamanda Bakı-Sumqayıt xətti boyunca yerləşən stansiyalarda bəzi tamamlama işləri görülür.

Xatırladaq ki, Bakı-Sumqayıt xəttinə buraxılacaq qatarlar "Stadler Rail Group" şirkətinin "Stadler Minsk" zavodunda istehsal olunub. Qatarlarda sərnişinlər üçün hər cür şərait yaradılıb. Ümumi sərnişin tutumu 919 nəfər olan hər bir qatarda 396 oturacaq var ki, onlardan da 84-ü biznes-klasdır.

Məqalədə:
Xəbər lenti

Xəbər lenti