Ukrayna səfirliyinin birinci katibi Bakıda batut gimnastikası üzrə Dünya Kubokunda idmançılarla görüşüb (FOTO)

Bakı. Trend:

Bu gün Ukraynanın Azərbaycandaki səfirliyinin iqtisadi məsələləri üzrə birinci katibi Bakıda batut gimnastikası üzrə Dünya Kubokunda Ukrayna nümayəndə heyətiylə görüşdü.

Görüş zamanı konsul idmançılarla və məşqçilərlə söhbət edib, medalların qazanması ilə əlaqədar təbrik edib və sonrakı yarışlarda uğurlar arzu etib.

O qeyd edib ki, dünya Kubokunun təşkilatından və yarışların keçirilmə səviyyəsindən çox təsirlənib.

Batut gimnastikası üzrə FIG Dünya Kuboku 5-6 mart tarixində Bakıdakı Milli Gimnastika Arenasında keçirilib. Kubokda 17 ölkəni təmsil edən 77 gimnast (46 kişi və 31 qadın) fərdi və sinxron proqramlarda medallar uğrunda mübarizə aparıblar.

Yarışların ilk günündə təsnifat, ikinci günündə isə final yarışları və mükafatlandırma mərasimi keçirilib.