...

Moskva Dövlət Beynəlxalq Əlaqələr Universitetində oxumaq istəyənlər üçün müsahibə keçirilib

Cəmiyyət Materials 24 May 2016 17:31 (UTC +04:00)
Mayın 24-də Tələbə Qəbulu üzrə Dövlət Komissiyası (TQDK) Rusiya Federasiyası Xarici İşlər Nazirliyinin Moskva Dövlət Beynəlxalq Əlaqələr Universitetinə (MDBƏU) qəbul olmaq istəyən Azərbaycan vətəndaşları üçün imtahanın müsahibə mərhələsini keçirib.
Moskva Dövlət Beynəlxalq Əlaqələr Universitetində oxumaq istəyənlər üçün müsahibə keçirilib

Trend-i buradan izləyin

Bakı. İlhamə İsabalayeva - Trend:

Mayın 24-də Tələbə Qəbulu üzrə Dövlət Komissiyası (TQDK) Rusiya Federasiyası Xarici İşlər Nazirliyinin Moskva Dövlət Beynəlxalq Əlaqələr Universitetinə (MDBƏU) qəbul olmaq istəyən Azərbaycan vətəndaşları üçün imtahanın müsahibə mərhələsini keçirib.

Komissiyadan Trend-ə verilən məlumata görə, mayın 22-də keçirilmiş test imtahanında 8 abituriyent iştirak edib. Onlardan ən yüksək nəticə göstərmiş 5 nəfər müsahibə mərhələsinə dəvət olunub. Müsahibədə abituriyentlərin ümumi dünyagörüşü yoxlanılıb və ən yüksək nəticə göstərən 3 nəfər müəyyən edilib və onların namizədliyi MDBƏU-ya ödənişsiz təhsil forması üzrə təhsil alması üçün təqdim olunacaq.

İmtahanın növbəti mərhələsi MDBƏU tərəfindən Moskva şəhərində iyunun 27 və 29-da aparılacaq. Bu mərhələdə abituriyentlərin seçdikləri fakültədən asılı olmayaraq rus və ingilis dillərindən bilikləri yoxlanacaq. "Beynəlxalq iqtisadi əlaqələr fakültəsi"nə qəbul olmaq istəyənlər bundan əlavə riyaziyyatdan da imtahan verməlidirlər.

Məqalədə:
Xəbər lenti

Xəbər lenti