Bakı. Anaxanım Hidayətova - Trend:
Bakıda "Formula 1" Avropa Qran-prisinin keçirilməsi dünya arenasında Azərbaycanın populyarlığını artıracaq.
Bunu Trend-ə Latviyanın Azərbaycandakı səfiri Yuris Maklakovs deyib.
Onun sözlərinə görə, adıçəkilən yarış ölkənin turizm potensialını artıracaq: "Bakı beynəlxalq tədbirlərin uğurlu təşkilatçısına çevrilib".
Səfir Azərbaycanda yaradılmış "ASAN Viza" sistemini çox səmərəli hesab edir: "Bu sistem Latviya və digər ölkələrdən turistlərin Azərbaycana daha tez-tez gəlməsinə imkan verəcək".