Bakı. İlhamə İsabalayeva – Trend:
Azərbaycanda bu il ərzində 55 nəfəri ilan, 6 nəfəri isə əqrəb sancıb.
Bunu Trend-ə Azərbaycan Səhiyyə Nazirliyi Klinik Tibbi Mərkəzin (KTM) Toksikologiya şöbəsinin müdiri Azər Maqsudov deyib.
Onun sözlərinə görə, yalnız iyul ayında 14 nəfəri ilan sancıb ki, onların da 3-ü uşaq olub. İyulda 3 nəfəri əqrəb, 1 nəfəri qara qurd sancıb.
A.Maqsudov deyib ki, indiyədək 56 nəfər sirkə turşusundan zəhərlənmə ilə əlaqədar xəstəxanaya yerləşdirilib.
Yalnız iyul ayında 4 nəfər sirkə turşusundan zəhərlənib. Onların vəziyyəti ağır olsa da, iyul ayında ölüm halı qeydə alınmayıb.