...

APA-nın 13 yaşı tamam olur

Cəmiyyət Materials 16 Noyabr 2017 11:47
"Azəri-Press" Agentliyinin (APA) fəaliyyətə başlamasından 13 il ötür.
APA-nın 13 yaşı tamam olur

Trend-i buradan izləyin

Bakı. Trend:

"Azəri-Press" Agentliyinin (APA) fəaliyyətə başlamasından 13 il ötür.

Trend-in məlumatına görə, "Azəri-Press" Agentliyi MMC 2004-cü il yanvarın 8-də Ədliyyə Nazirliyində qeydiyyatdan keçib və həmin il noyabrın 16-dan fəaliyyətə başlayıb. Agentlik Azərbaycan, rus, ingilis, ərəb, fransız və erməni dillərində xəbər xidməti göstərir. İnformasiya bloklarında Azərbaycanın siyasi, iqtisadi, sosial, mədəni və idman həyatına dair məlumatlar, regionda və dünyada baş verən hadisələrlə bağlı operativ xəbərlər əksini tapır.

Operativ, dəqiq, tərəfsiz informasiya siyasəti yürüdən APA Türkiyə, Yaxın Şərq, Rusiya, Ukrayna, Moldova, Gürcüstan, Mərkəzi Asiya respublikaları, Baltikyanı ölkələr, Avropa dövlətləri və ABŞ-ın aparıcı kütləvi informasiya vasitələri, telekanallar, elektron yayım quruluşları və mətbuat orqanları ilə əməkdaşlıq edir.

APA “Global Certfication Limited” şirkətinin “İSO 9001:2008” beynəlxalq standartı üzrə “Keyfiyyətli İdarəetmə Sistemi” sertifikatına layiq görülüb.

Agentlik 2012-ci ildən etibarən “APA Holdinq” MMC-nin tərkibində fəaliyyət göstərir.

Trend İnformasiya Agentliyinin kollektivi APA-dakı həmkarlarını Azərbaycanın media məkanına qatılmalarının 13 illiyi münasibətilə təbrik edir, fəaliyyətlərində yeni uğurlar arzulayır.

Məqalədə:
Xəbər lenti

Xəbər lenti