...

Məktəblilər sanitar-gigiyenik və düzgün qidalanma ilə bağlı maarifləndirilir

Cəmiyyət Materials 14 Mart 2018 10:37
Paytaxt məktəblərində “Reproduktiv sağlamlığın tədrisi” proqramı çərçivəsində növbəti seminarlar keçirilir.
Məktəblilər sanitar-gigiyenik və düzgün qidalanma ilə bağlı maarifləndirilir

Trend-i buradan izləyin

Bakı. Trend:

Paytaxt məktəblərində “Reproduktiv sağlamlığın tədrisi” proqramı çərçivəsində növbəti seminarlar keçirilir.

Bakı şəhəri üzrə Təhsil İdarəsindən Trend-ə verilən məlumata görə, proqramın məqsədi gənc nəslin sağlam böyüməsi, onların zərərli vərdişlərdən qorunması, habelə gələcəkdə sağlam ailə qurması üçün uşaq və yeniyetmələr arasında sağlam həyat tərzi və reproduktiv sağlamlıqla bağlı maarifləndirmə işlərini genişləndirməkdən ibarətdir.

Seminarlarda məktəblilərə reproduktiv sağlamlıq üzrə məlumatlar verilir, həmçinin, onlar sanitar-gigiyenik qaydalar, düzgün qidalanma və hər cür zərərli vərdişlərdən uzaq olmaq barədə maarifləndirilir.

Seminarlar çərçivəsində reproduktiv sağlamlığa dair videoçarxlar nümayiş olunur. Eyni zamanda, şagirdlərə reproduktiv sağlamlıqla bağlı kitabçalar paylanır, onları maraqlandıran suallar cavablandırılır.

Məqalədə:
Xəbər lenti

Xəbər lenti