...

BŞTİ: I sinfə qəbulla bağlı valideynlərin övladlarını özləri ilə qeydiyyat mərkəzlərinə aparmasına ehtiyac yoxdur

Cəmiyyət Materials 13 Mart 2020 13:16 (UTC +04:00)
2020-2021-ci dərs ilində ümumi təhsil müəssisələrinin birinci siniflərinə elektron sənəd qəbulu ilə əlaqədar alternativ qeydiyyat mərkəzlərinə müraciət edərkən valideynlərin övladlarını özləri ilə aparmasına ehtiyac yoxdur.
BŞTİ: I sinfə qəbulla bağlı valideynlərin övladlarını özləri ilə qeydiyyat mərkəzlərinə aparmasına ehtiyac yoxdur

Trend-i buradan izləyin

Bakı. İlhamə İsabalayeva - Trend:

2020-2021-ci dərs ilində ümumi təhsil müəssisələrinin birinci siniflərinə elektron sənəd qəbulu ilə əlaqədar alternativ qeydiyyat mərkəzlərinə müraciət edərkən valideynlərin övladlarını özləri ilə aparmasına ehtiyac yoxdur.

Bakı Şəhəri üzrə Təhsil İdarəsindən Trend-ə verilən məlumata görə, www.mektebeqebul.edu.az sistemi vasitəsilə özü elektron qeydiyyatdan keçə bilməyən və ya internet resurslarına çıxış imkanı olmayan vətəndaşlar aidiyyəti ərazi üzrə fəaliyyət göstərən ən yaxın alternativ qeydiyyat mərkəzinə müraciət edə bilərlər. Alternativ qeydiyyat mərkəzləri həftənin I-V günləri saat 10:00-dan 16:00-a qədər fəaliyyət göstərir.

Alternativ qeydiyyat mərkəzləri Xəzər rayonu üzrə Mərdəkan bələdiyyəsi, Gənclər evi, Buzovna qəsəbə icra nümayəndəliyi, Zirə və Binə bələdiyyələri, Sabunçu, Xətai və Nizami rayonları üzrə Təlimə Dəstək Mərkəzi, Nərimanov rayonu üzrə Təhsil İnstitutunun Təlim Texnologiyaları Mərkəzi, Binəqədi və Nəsimi rayonları üzrə Təhsil İşçilərinin Peşəkar İnkişafı Mərkəzi, Suraxanı rayonu üzrə Hövsan, Qaraçuxur və Bülbülə bələdiyyələri, Qaradağ rayonu üzrə Qobustan, Müşfiqabad, Lökbatan, Sahil və Ələt bələdiyyələri, Səbail və Yasamal rayonları üzrə Bakı Şəhəri üzrə Təhsil İdarəsinin Qəbul otağı, Pirallahı rayonu üzrə isə Gənclər evində fəaliyyət göstərir.

Məqalədə:
Xəbər lenti

Xəbər lenti