...

Xəzər rayonunda Vətən müharibəsi şəhidlərinin ailələri ziyarət olunur

Cəmiyyət Materials 16 Aprel 2021 11:36 (UTC +04:00)
Xəzər rayonunda Vətən müharibəsi şəhidlərinin ailələri ziyarət olunur

Bakı. Trend:

Aprelin 15-də Yeni Azərbaycan Partiyası Xəzər rayon təşkilatının və Xəzər rayon İcra Hakimiyyətinin nümayəndələri Vətən müharibəsində qəhrəmancasına şəhid olmuş İsmayılzadə Vüsal Əlibəndə oğlunun ailəsini ziyarət ediblər.

Xəzər rayon İcra Hakimiyyətinin başçısı Elşən Salahov, Milli Məclisin deputatı Rauf Əliyev və YAP Xəzər rayon təşkilatının sədri Namiq Əhmədov şəhid ailəsinin vəziyyəti ilə maraqlanıb, ailəsinə qəhrəman oğul böyütdüklərinə görə təşəkkür edilib.

Yeni Azərbaycan Partiyasının nümayəndələri bildiriblər ki, Azərbaycan dövləti öz oğullarının qəhrəmanlıqlarını yüksək qiymətləndirir və bunu heç zaman unutmayacaq.

Qeyd edək ki, ziyarət zamanı Yeni Azərbaycan Partiyası Xəzər rayon təşkilatı tərəfindən şəhid ailəsinə ərzaq yardımı edilib.

Məqalədə:
Xəbər lenti

Xəbər lenti