...

Bakı Slavyan Universitetinin məzunlarına “Yüksək öyrənmə nəticələrinə” görə təşəkkürnamələr təqdim edilib (FOTO)

Cəmiyyət Materials 18 İyul 2021 13:34 (UTC +04:00)
Bakı Slavyan Universitetinin məzunlarına “Yüksək öyrənmə nəticələrinə” görə təşəkkürnamələr təqdim edilib (FOTO)

Trend-i buradan izləyin

Bakı. Trend:

Bakı Slavyan Universiteti (BSU) Elmi Şurasının 7 iyul 2021-ci il tarixli qərarı ilə bu ali təhsil müəssisəsinin 2020-2021-ci tədris ili üzrə ən yüksək öyrənmə nəticələri göstərmiş tələbələrinin karyera inkişafının dəstəklənməsi məqsədilə onların müxtəlif özünüinkişaf proqramlarında iştirakı universitet tərəfindən qarşılanacaq. Qərara əsasən, BSU-nun hər fakültəsi üzrə 2020-2021-ci tədris ilini ən yüksək müvəffəqiyyət göstəriciləri ilə başa vurmuş ümumilikdə səkkiz tələbəsi bir il ərzində iş həyatı, eləcə də ali təhsilin növbəti səviyyəsi üzrə ehtiyac duyduqları bilik və bacarıqların artırılması məqsədilə yerli və beynəlxalq təlim və inkişaf proqramlarında iştirak edə biləcək.

BSU-nun Mətbuat və informasiya şöbəsindən Trend-ə verilən məlumata görə, bu münasibətlə təşkil edilmiş təqdimatda BSU-nun rektoru səlahiyyətlərini icra edən, siyasi elmlər üzrə fəlsəfə doktoru Anar Nağıyev tələbələrə “Yüksək öyrənmə nəticələrinə” görə təşəkkürnamələri təqdim edərkən, qeyd edilən layihənin məqsədinin məzunların əmək bazarının dinamik dəyişən tələbləri fonunda məzunların çevikliyinin dəstəklənməsi məqsədi daşıdığını bildirib. Vurğulanıb ki, müasir bilik cəmiyyəti dövründə ali təhsil müəssisələri fəaliyyətini daha çevik qurmaqla, təhsilalanların iş yerində səriştələrinin artırılması və ömürboyu öyrənmə imkanlarını təmin etməlidir. Anar Nağıyev məzunların ali təhsil müəssisəsinin inkişafındakı vacib rolunu qeyd edərək, gələcəkdə bu istiqamətdə davamlı fəaliyyətin planlaşdırıldığını vurğulayıb və bütün məzunları BSU-da təlim və tədris prosesinin təşkilində daha yaxından iştirak etməyə dəvət edib.

Öz gələcək planlarından danışan məzunlar bu imkanın onların peşəkar inkişafı üçün əlavə stimul yaratdığını vurğulayıblar. Qeyd olunmalıdır ki, “Yüksək öyrənmə nəticələrinə” görə təşəkkürnamə ilə 2020-2021-ci tədris ili üzrə BSU-nun tələbələri Suğra Babayeva, Sevda İbrahimova, Nəriman Namazov, Əfşan Ayaz, Ramal Nuruyev, Aydan Məmmədova, Günel Hüseynova və Sənan Bəhramzadə təltif ediliblər.

Məqalədə:
Xəbər lenti

Xəbər lenti