...

Bakı-Ələt yolundaki qəzada xəsarət alan 18 nəfər evə buraxılıb

Cəmiyyət Materials 29 Oktyabr 2022 20:45 (UTC +04:00)
Bakı-Ələt yolundaki qəzada xəsarət alan 18 nəfər evə buraxılıb
Samir Əli
Samir Əli
Bütün xəbərlər

Bakı. Trend:

Bakı-Ələt yolunda baş verən qəzada xəsarət alan 18 nəfər ambulator müalicə üçün evə buraxılıb.

Bu barədə Trend-ə şənbə günü TƏBİB-dən məlumat verilib.

Məlumata əsasən, hazırda TƏBİB-in tabeliyindəki tibb müəssisələrində xəsarət alan 5 nəfərin müalicəsinə davam edilir. Xəsarət alanlardan 2-si (vəziyyətləri ağır stabil qiymətləndirilir) Kliniki Tibbi Mərkəzin Reanimasiya şöbəsində, 2-si (vəziyyətləri stabil qiymətləndirilir) Respublika Klinik Xəstəxanasının Təcili tibbi yardım şöbəsində, 1-i (vəziyyəti orta ağır qiymətləndirilir) isə Sabunçu Tibb Mərkəzinin Travmatologiya şöbəsində həkim nəzarəti altındadır.

Xatırladaq ki, hadisə nəticəsində Bakı Şəhəri Təcili və Təxirəsalınmaz Tibbi Yardım Stansiyasının həkim briqadaları tərəfindən 23 nəfər TƏBİB-in tabeliyindəki müəssisələrinə yerləşdirilmişdi.

Məqalədə:
Xəbər lenti

Xəbər lenti