...

Qayıdış Konsepsiyası Qərbi Azərbaycan İcmasının Müşahidə Şurasının təsdiqinə verilib

Cəmiyyət Materials 25 Yanvar 2023 15:50 (UTC +04:00)
Qayıdış Konsepsiyası Qərbi Azərbaycan İcmasının Müşahidə Şurasının təsdiqinə verilib

Trend-i buradan izləyin

Elçin Mehdiyev
Elçin Mehdiyev
Bütün xəbərlər

Bakı. Trend:

Artıq xeyli vaxtdır ki, Qərbi Azərbaycan İcmasında Qayıdış Konsepsiyasının hazırlanması istiqamətində iş davam etdirilir. 25 yanvar 2023-cü ildə İcmanın İdarə Heyətinin geniş tərkibdə iclası keçirilib. İclasda İdarə Heyətinin üzvləri ilə yanaşı, İcmanın strukturlarında təmsil olunan ziyalılar, mütəxəssislər iştirak ediblər.

Bu barədə Trend-ə İcmadan məlumat verilib.

İclası giriş sözü ilə açan Qərbi Azərbaycan İcmasının sədri, millət vəkili Əziz Ələkbərli Qayıdış Konsepsiyasının hazırlanması məqsədilə silsilə tədbirlərin, fərdi və qrup halında mütəxəssislərlə görüşlərin keçirildiyini, müzakirələr zamanı yüzlərlə təklifin irəli sürüldüyünü, İcmanın Konsepsiyanın hazırlanması ilə bağlı elan olunmuş elektron poçta çoxlu sayda təkliflərin daxil olduğunu, bütün bu təkliflərin İşçi Qrupunda sistemləşdirildiyini, təhlil edilib ümumiləşdirildiyini və sənədin layihəsinin hazırlandığını bildirib.

İclas iştirakçılarına təqdim olunan layihə ətrafında geniş fikir mübadiləsi aparılıb, layihə qəbul edilmiş və prosedura uyğun olaraq, rəsmi təsdiq üçün Müşahidə Şurasına təqdim edilməsi qərara alınıb.

Qərbi Azərbaycan İcmasının sədri, millət vəkili Əziz Ələkbərli Konsepsiya layihəsinin hazırlanmasında və qəbulunda iştirak edən hər kəsə İcma rəhbərliyi adından öz dərin təşəkkürünü bildirib.

Müşahidə Şurası özünün 26 yanvar 2023-cü il tarixində keçirəcəyi iclasında Qayıdış Konsepsiyasının təsdiqi məsələsinə baxacaq.

Məqalədə:
Xəbər lenti

Xəbər lenti