Bakı. Trend:
Miqrasiya orqanlarında sınaq müddəti müəyyən edilmiş şəxslər vəzifəyə xüsusi rütbə verilmədən təyin olunacaq və həmin müddətdə yalnız vəzifə maaşı alacaqlar.
Trend-in məlumatına görə, bu barədə məsələ Milli Məclisin bu gün keçirilən iclasında müzakirə edilən “Miqrasiya orqanlarında qulluq keçmə haqqında Əsasnamə”də dəyişiklik layihəsində əksini tapıb.
Layihədə qeyd edilib ki, ilk dəfə miqrasiya orqanlarına qulluğa
qəbul edilən şəxslər üçün daxil olduqları vəzifədən və hazırlıq
səviyyələrindən asılı olaraq 3 aydan 6 aya qədər sınaq müddəti
(kiçik xüsusi rütbələr nəzərdə tutulan vəzifələrdə qulluğa qəbul
edilən şəxslər üçün yalnız üç aylıq sınaq müddəti) müəyyən
edilir
Sınaq müddəti müəyyən edilmiş şəxslər müvafiq vəzifəyə xüsusi rütbə
verilmədən təyin olunur və onlar həmin müddət ərzində yalnız vəzifə
maaşı alacaq.
Müzakirələrdən sonra layihə səsverməyə qoyularaq üçüncü oxunuşda qəbul edilib.