Bakı. Trend:
Milli Məclis WUF13-lə əlaqədar təşkilatı və maliyyə məsələləri barədə Sazişi ratifikasiya edəcək.
Trend-in məlumatına görə, bununla bağlı məsələ Milli Məclisinin İqtisadi siyasət, sənaye və sahibkarlıq komitəsinin bugünkü iclasının gündəliyinə daxil edilib.
Belə ki, komitə iclasında “Azərbaycan Respublikası Hökuməti ilə Birləşmiş Millətlər Təşkilatı arasında 2026-cı ildə Bakıda keçiriləcək Ümumdünya Şəhərsalma Forumunun on üçüncü sessiyası (WUF13) ilə əlaqədar təşkilatı və maliyyə məsələləri barədə əlavə Saziş”in təsdiq edilməsi barədə qanun layihəsi müzakirəyə çıxarılacaq.