Azərbaycan şahmatçıları arasında ən yüksək Elo reytinqinə (2709) malik olan Şəhriyar Məmmədyarov yanvarın 13-dən 19-na kimi Hollandiyada (Veyk-an-Zee) keçiriləcək "Korus-turniri"nin A turnirində oynayacaq.
Trend in xəbər verdiyi kimi, bu, oynaqlarındakı ağrı ilə əlaqədar B. Kramnikin turnirdə iştirakdan imtina etməsi nəticəsində mümkün olub. Ən yüksək reytinqin sahibi kimi B turnirində iştirak etməyi planlaşdıran Ş.Məmmədyarov onun yerini tutub.
Xatırladaq ki, yarışda şahmatçımızdan başqa Veselin Topalov g BUL 2801, Vişvanatan Anand g IND 2792, Levon Aronyan g ARM 2752, Peter Leko g HUN 2740, Vasili İvançuk g UKR 2729, Boris Gelfand g ISR 2723, Etyen Bakro g FRA 2717, Maykl Adams g ENG 2707, İvan Sokolov g NED 2689, Qata Kamski g USA 2686, Serqey Tivyakov g NED 2669, Serqey Karyakin g UKR 2660, Lyuk van Veli g NED 2647 kimi dünyanın ən güclü şahmatçıları da iştirak edəcək.
Trend-in ən mühüm və maraqlı xəbərlərini "Telegram"da izləyin
.jpg)
.jpg)
