Avqustun 8-də Milli televiziya və Radio Şurasının növbəti iclası keçirilib. Bu barədə Trend ə Milli Teleradio Şurasından məlumat verilib.
İclasda Şəki və Yevlax şəhərlərində regional televiziya kanallarının açılması barədə məsələ müzakirə edilib. Şuranın qərarı ilə Şəki və ətraf rayonlarda yayımlanması planlaşdırılan 53-cü tezliyi, habelə Yevlax və ətraf rayonlarda yayımlanacaq 57-ci tezliyi tutmaq üçün müsabiqə elan edilib. Müsabiqənin müddəti və şərtləri barədə KİV-lərə əlavə məlumat veriləcəyi bildirilib.