Azərbaycan, Bakı /müxbir Trend K.Zərbalıyeva/ Azərbaycan İşgəncələr Əleyhinə Komitə məhkəmə prosesləri zamanı işgəncə faktlarının araşdırılması vəziyyətini öyrənmək üçün monitorinqlərə başlayacaq. Komitənin sədri Elçin Behbudov bildirib ki, bu barədə Ali Məhkəmənin sədri Ramiz Rzayevə müraciət edərək məhkəmə proseslərində komitənin ekspertlərinin iştirakına icazə verilməsini xahiş edib. Ali Məhkəmə sədri komitənin ekspertlərinə məhkəmələrdə lazımi şərait yaradılması ilə bağlı məhkəmə sədrlərinə müvafiq tapşırıq verəcəyini deyib. Keçiriləcək monitorinqlərin nəticələrinin ictimaiyyətə açıqlanacağını vurğulayan E. Behbudov qeyd edib ki, aşkar olunacaq nöqsanlarla bağlı aidiyyatı qurumlara məlumat veriləcək.
...