Azərbaycan, Bakı /müx. Trend Z.Səfərov/ Azərbaycanlı qrossmeyster Şəhriyar Məmmədyarovun Sofiyada keçirilən "M-Tel Masters" beynəlxalq superturnirdə qalib gəlmək şansı hələ də qalır.
Səkkizinci turda Məmmədyarov birinci turda yendiyi Veselin Topalovla heç-heçə edib. Bu nəticəyə görə, habelə lider Krişnan Saşikiranın amerikalı Qata Kamskidən məğlubiyyət almasına görə həmyerlimiz liderlə xal fərqini 0,5-ə endirib. Onu da qeyd edək ki, Məmmədyarovla eyni xallara Topalov, Kamski və Liviu Diter Nisipyanu malikdir.
İndi Şəhriyar son görüşlərdə maksimum nəticə göstərməlidir ki, turniri qalibiyyətlə başa vura bilsin.