Azərbaycan, Bakı, 6 avqust /müx. "TrendLife" Eldar Hüseynzadə/ Tanınmış bəstəkar Cavanşir Quliyev həm Azərbaycanda, həm də Kiprdə yaşayır. Bakıya isə hazırda məzuniyyətə gəlib. Bəstəkarın "Trendlife"a verdiyi məlumata görə, tezliklə onun baleti səhnələşdiriləcək. "Mən artıq "Oğuz-Namə" baleti üzərində işimi bitirmişəm. Həmin balet 2008-ci ildə İstanbulda səhnəyə qoyulacaq. İstanbul Teatrı da həmin baleti öz repertuarına salıb" - deyə bəstəkar qeyd etdi.