Azərbaycan, Bakı, 24 mart /Trend, müxbir B.Hacıyev/
Bu gün Unibank Premyer Liqasının XXV turu çərçivəsində Bakıda "Xəzər Lənkəran"la qarşılaşacaq "Neftçi" futbol klubunun rəhbərliyi komandanın azarkeşləri ilə görüş keçirib.
Trend klubun rəsmi saytına istinadən xəbər verir ki, tədbirə klubun vitse-prezidenti Tahir Süleymanov, baş məşqçi Böyükağa Hacıyev, Mətbuat və İctimaiyyətlə Əlaqələr Departamentinin rəisi Elnur Əşrəfoğlu və digər rəsmilər qatılıb.
Klub prezidenti Sadıq Sadıqovun bayram təbrikini azarkeşlərə çatdıran rəsmilər futbolsevərlərdən "Xəzər-Lənkəran"la oyunda, həmçinin növbəti görüşlərdə də dəstək gözlədiklərini bildiriblər.