Azərbaycan, Bakı, 12 oktyabr /Trend/
Premyer Liqada təmsil olunan "Turan" klubunun baş məşqçisi Əsgər Abdullayev istefa verib.
Klubdan Trend-ə deyiblər ki, Abdullayev komandadan getmək istədiyini bildirib.
Baş məşqçi buna səbəb kimi "Turan"ın "Neftçi"yə uduzmasını göstərib.
Yeni baş məşqçinin Əfqan Talıbov olması müəyyənləşdirilib.
Talıbov artıq "Turan"ın baş məşqçisi təyin olunub.
Əfqan Talıbovla müqavilənin müddəti bir mövsüm üçün nəzərdə tutulub.