Azərbaycan, Bakı, 6 fevral /Trend/
Azərbaycan Premyer Liqasında XX turun oyunlarına start verilib.
Trend-in məlumatına görə, "Qəbələ" doğma meydanda AZAL-ı qəbul edib. Gərgin keçən matçın ilk hissəsində hesab açılmayıb.
78-ci dəqiqədə Viktor İqbekoyi "Qəbələ"ni azlıqda qoyub.
Matçın əsas vaxtına artırılmış dəqiqələrdə (90+3') isə Rəşad Abdullayev penalti zərbəsindən dəqiq yararlanıb - 0:1.
Beləliklə, "təyyarəçilər" çempionatdakı fasilədən sonra ardıcıl ikinci qələbələrini qazanıblar.
Bu gün, həmçinin "Neftçi" və "Simurq" komandaları qarşılaşacaqlar.
Qeyd edək ki, XX tura sabah keçiriləcək iki oyunla yekun vurulacaq.