Bakı. Trend:
Futbol üzrə İspaniya La Liqası təxirə salınıb.
Trend İspaniya KİV-lərinə istinadən xəbər verir ki, La Liqa və Sequndanın oyunları ilə yanaşı aşağı liqalardakı matçlar da təxirə salınıb.
İspaniya Kral Futbol Federasiyası sözügedən qərarı həvəskar turnirlərə də şamil edib.
Xatırladaq ki, İspaniyada yeni növ koronavirusa (COVİD-19) yoluxanların sayı 2200-ü ötüb. İspaniyada koronavirus səbəbilə bu günədək 56 nəfər həyatını itirib.