Bakı. Trend:
İspaniyada La Liqanın bərpa olunması üçün hazırlıq prosesi başlanıb.
Trend-in məlumatına görə, mayın 4-dən ölkədə məşqlərə icazə verilsə də, bununla bağlı müəyyən qaydalara riayət ediləcək. Mayın 6-dan etibarən isə La Liqa klublarının üzvləri koronavirus testindən keçəcəklər.
“Barselona” və “Real” rəhbərliyi rəsmi sayt vasitəsilə bu xəbərləri təsdiqləyib. Ölkənin aparıcı 2 klubunun bütün üzvləri tibbi müayinədən sonra fərdi qaydada məşqlərə başlayacaqlar. Bu məşqlər mayın 18-ə kimi davam edəcək.
Xatırladaq ki, La Liqada oyunların azarkeşsiz bərpası iyunun 5-nə, ən geci isə iyunun 12-nə nəzərdə tutulur.