Bakı. Trend:
Polşalı hücumçu Robert Levandovski Almaniyanın "Bavariya" futbol klubundan İspaniyanın "Barselona" komandasına keçəcək.
Trend-in məlumatına görə, bu barədə "Bavariya"nın mətbuat xidməti bildirib.
"Bavariya"nın İdarə Heyətinin sədri Oliver Kan müqavilənin hələ imzalanmadığını, lakin klubların 33 yaşlı hücumçunun transferi ilə bağlı razılığa gəldiyini bildirib.
R.Levandovski 2014-cü ildən “Bavariya”da çıxış edib, hücumçu komandanın heyətində 374 oyun keçirib, 344 qol vurub və 72 məhsuldar ötürmə verib, futbolçu yeddi dəfə Almaniya çempionatının bombardiri olub.