...

Boksçumuz Avropa birinciliyində erməniyə qalib gələrək ən azı bürünc medalı təmin edib

İdman Materials 30 Sentyabr 2022 20:36 (UTC +04:00)
Boksçumuz Avropa birinciliyində erməniyə qalib gələrək ən azı bürünc medalı təmin edib

Bakı. Trend:

İtaliyanın Montesilvano şəhərində yeniyetmə oğlan və qız boksçular arasında Avropa birinciliyində 1/4 final döyüşlərinə start verilib.

Trend xəbər verir ki, Azərbaycan millisinin heyətində yarımfinala gedən yolda ilk olaraq rinqə Nərmin Əlizadə (48 kq) çıxıb. Boksçumuz Mahur Marikyanla (Ermənistan) döyüşüb və hər 3 raundda rəqibindən üstün olub. O, yekunda 5:0 hesabı ilə qalib gələrək rəqibini mübarizədən kənarlaşdırıb.

Nərmin yarımfinala yüksəlməklə yanaşı, özü üçün ən azı bürünc medalı da təmin edib. O, 1/2 final döyüşünə oktyabrın 2-də çıxacaq. Boksçumuzun rəqibi polşalı Silva Formela olacaq.

Qeyd edək ki, Avropa çempionatında 1/4 final döyüşləri sabah başa çatacaq.

Məqalədə:
Xəbər lenti

Xəbər lenti