Bakı. Trend:
“Barselona” klubunun hücumçusu Robert Levandovski keryerasında ardıcıl doqquzuncu, ümumilikdə 12-ci dəfə çempionluq titulu qazanıb.
Trend-in məlumatına görə, futbolçu 2010-cu ildə “Lex” ilə Polşa çempionu olub. 2011-ci və 2012-ci illərdə “Borussiya”nın heyətində Almaniya çempionu adına sahib olub. Hücumçu, həmçinin 2015-2022-ci illərdə “Bavariya” klubu ilə Almaniya çempionatını birinci pillədə başa vurub.
Qeyd edək ki, “Barselona” La Liqanın XXXIV turu çərçivəsində “Espanyol”u 4:2 hesabı məğlub edərək xallarının sayını 85-ə çatdırıb. Çempionatın bitməsinə dörd tur qalmış turnir cədvəlində ikinci pillədə qərarlaşan “Real Madrid”in hesabında 71 xal var.