Bakı. Trend:
Futbol üzrə İtaliya çempionatının IV turunun matçında "İnter" komandası "Milan"ı 5:1 hesabı ilə məğlub edib.
Trend-in məlumatına görə, görüş Milanda "Cüzeppe Meatsa" stadionunda baş tutub.
"İnter"in heyətində qolları Henrix Mxitaryan (5-ci, 69-cu dəqiqə), Markus Türam (38), Hakan Çalhanoğlu (79, penalti) və Davide Frattesi (90+3) vurub. "Milan"ın heyətində Rafael Leau (57) fərqlənib.
Bu görüş tarixdə 238-ci Milan derbisi olub, "İnter" 90-cı qələbəsini qazanıb. 79 oyunda “Milan” daha güclü olub, 69 görüş heç-heçə başa çatıb.