Bakı. Trend:
Təbii ki, “Qarabağ”la matçda da rotasiyalar olacaq.
Trend İdman.biz-ə istinadən xəbər verir ki, bunu “Bayer”in baş məşqçisi Xabi Alonso deyib.
İspan mütəxəssis Avropa Liqasının 1/8 final mərhələsinin “Qarabağ”la matçına həsr olunan mətbuat konfransında fikirlərini açıqlayıb:
“Mövsümün sonudur. İlin bu mərhələsində rotasiyalar qaçılmazdır. Bu səbəbdən hər bir futbolçu komanda üçün əhəmiyyətlidir”.
Qeyd edək ki, “Bayer” – “Qarabağ” matçı sabah “BayArena”da keçiriləcək.