Bakı. Trend:
Azərbaycan atletləri Özbəkistanın Daşkənd şəhərində keçirilən açıq Mərkəzi Asiya çempionatının ikinci günündə uğurlu çıxış ediblər.
Trend İdman.biz-ə istinadən xəbər verir ki, Rüstəm Məmmədov üçtəkanla tullanmada 1-ci yeri tutub.
Təmsilçimiz 15,93 metr nəticə göstərərək, bütün rəqiblərini arxada qoyub. Yığmamızın daha bir üzvü Cabir Əliyev (15,21 m) 7-ci yeri tutub.
Qeyd edək ki, çempionatın ilk günündə Nazim Babayev uzunluğa tullanmada 2-ci olub.