Bakı. Trend:
"Formula 1" Azərbaycan Qran-Prisi 2024 çərçivəsində Formula 2 komandalarının sprint yarışları başa çatıb.
Trend-in məlumatına görə, yarışda 11 komanda iştirak edib.
Yarış zamanı pilotlar 21 dövrə vurublar.
Yarışın qalibi "AIX Racing" komandasından Coşua Dürksen olub.
xxx
14:15
"Formula 1" Azərbaycan Qran Prisi 2024 çərçivəsində "Formula 2" komandalarının sprint yarışları başlayıb.
Trend-in məlumatına görə, yarışda 11 komanda iştirak edir.
Yarış zamanı pilotlar 21 dövrə vurmalıdırlar.
Qeyd edək ki, Formula 1 Azərbaycan Qran Prisi 2024 dünən start götürüb. Əsas yarışlar sentyabrın 15-də keçiriləcək və Formula 1 və Formula 2 üzrə qaliblər müəyyən ediləcək.
Xatırladaq ki, Formula 1 Azərbaycan Qran Prisi 2017-ci ildən Bakıda şəhər trekində keçirilir. Bu günə qədər Bakı trekində 7 dəfə Formula 1 Azərbaycan Qran Prisi baş tutub.
