Bakı. Trend:
“Beşiktaş”ın yarımmüdafiəçisi Jedson Fernandeş Moskva “Spartak”ının hədəfindədir.
Trend türk KİV-lərinə istinadən xəbər verir ki, Rusiya təmsilçisi 26 yaşlı futbolçunun keçidi üçün 25 milyon avro ödəməyə hazırdır.
Məlumata görə, hazırda klublar arasında danışıqlar gedir. Jedson Fernandeş 2022-ci ilin yayından “Beşiktaş”da forma geyir. Bu müddətdə o, bütün turnirlərdə 114 matça çıxıb, 14 qol və 15 məhsuldar ötürmə ilə yadda qalıb.
Qeyd edilir ki, portuqaliyalı futbolçunun “Beşiktaş”la müqaviləsi 2027-ci ilin yayında başa çatır.