Bakı. Trend:
Azərbaycanın ikiqat Avropa çempionu, dünya çempionatının mükafatçısı və Yay Paralimpiya Oyunlarının ikiqat iştirakçısı, sabiq parataekvondoçu Əbülfəz Abuzərli idmançı karyerasını başa vurub.
Milli Paralimpiya Komitəsindən Trend-ə bildirilib ki, o, bundan sonra fəaliyyətini milli komandada köməkçi məşqçi kimi davam etdirəcək.
33 yaşlı sabiq paralimpiyaçı hazırda yığmanın baş məşqçisi Fərid Tağızadəyə köməkçi qismində Avropa Gənclər Paralimpiya Oyunlarında iştirak etmək üçün İstanbuldadır.