Bakı. Trend:
Respublikada 2005-ci ildən bu günə qədər 42 şəhərin Baş Planı yenilənib.
Trend-in məlumatına görə, bunu Dövlət Şəhərsalma və Arxitektura Komitəsinin sədri Samir Nuriyev
Komitənin “Caspian European Club” ilə birlikdə təşkil etdiyi biznes-forumda deyib.
Komitə sədri bunun Azərbaycan hökumətinin hazırladığı tədbirlər planına əsasən yeniləndiyini bildirib.
S.Nuriyev əlavə edib ki, son 1 ildə 7 şəhərin Baş Planı artıq təsdiqlənib. Növbəti 2 ildə daha 9 şəhərin Baş Planının hazırlanmasına başlanılacaq.