...

Ötən ay Azərbaycanda bahalaşan və ucuzlaşan məhsullar - SİYAHI

İqtisadiyyat Materials 12 Noyabr 2020 11:49 (UTC +04:00)
Ötən ay Azərbaycanda bahalaşan və ucuzlaşan məhsullar - SİYAHI

Bakı. Trend:

2020-ci ilin oktyabr ayında Azərbaycanda bahalaşan və ucuzlaşan məhsullar məlum olub.

Trend-in məlumatına görə, cari ilin oktyabr ayında əvvəlki aya nisbətən ayrı-ayrı ərzaq məhsullarından daha çox bahalaşma uzun düyünün, qarabaşaq yarmasının, makaronun, toyuq ətinin, xamanın, brınza pendirinin, günəbaxan yağının, portağalın, bananın, qozun, fındığın, xiyarın, pomidorun, bibərin, badımcanın, yerkökünün, çuğundurun, kartofun, soğanın, şəkər və şəkər tozunun, şokoladlı konfetlərin, ucuzlaşma isə əsasən təzə balığın, limonun, naringinin, almanın, armudun, heyvanın, narın, xurmanın, kivinin, kələmin, balqabağın, göy lobyanın, sarımsağın qiymətlərində müşahidə olunub.

Digər ərzaq məhsullarının qiymətlərində ciddi dəyişikliklər baş verməyib. 2020-ci ilin oktyabr ayında qeyri-ərzaq məhsulları üzrə istehlak qiymətləri indeksi əvvəlki aya nisbətən 100,1 faiz, əvvəlki ilin oktyabr ayına nisbətən 101,4 faiz təşkil etmişdir. 2020-ci ilin oktyabr ayında əhaliyə göstərilmiş ödənişli xidmətlər üzrə istehlak qiymətləri indeksi əvvəlki aya nisbətən 100,0 faiz, əvvəlki ilin oktyabr ayına nisbətən 100,3 faiz təşkil edib.

Məqalədə:
Xəbər lenti

Xəbər lenti