Bakı. Trend:
Səpkili yük (karbamid) terminalının tikintisi yükaşırma gücünü saatda 200 tondan 600 tonadək artıracaq.
Trend-in məlumatına görə, bunu bu gün Bakı Beynəlxalq Dəniz Ticarət Limanının əsas terminalının rəisi Kamran Cəlilli deyib.
Onun sözlərinə görə, səpkili yüklər terminalının 2023-cü ilin əvvəlində istismara verilməsi nəzərdə tutulur.
"Səpkili yüklər Azərbaycana əsasən Türkmənistan, Qazaxıstan və dögər ölkələrdən daxil olur və Aİ ölkələrinə yola salınır", - K.Cəlilli deyib.
O əlavə edib ki, terminalın istismara verilməsindən sonra səpkili yüklərin aşırma gücü ildə 3 milyon ton təşkil edəcək.