Bakı. Trend:
"Zireh" Məhdud Məsuliyyətli Cəmiyyəti (MMC) dövlət qeydiyyatına alınıb.
Bu barədə Trend İqtisadiyyat Nazirliyi yanında Dövlət Vergi Xidmətindən məlumat əldə edib.
Məlumata görə, bu ilin sentyabrın 13-də dövlət qeydiyyatına alınan MMC-nin hüquqi ünvanı Müdafiə Sənayesi Nazirliyinə (MSN) məxsus "Bakı Cihazqayırma Zavodu" MMC ilə eynidir.
Belə ki,”Zireh” MMC-nin hüquqi ünvanı Bakı şəhəri, Sabunçu rayonu, Zabrat ŞTQ, 18 oktyabr küçəsi, ev.106-dır.
Nizamnamə kapitalı 6 milyon manat olan MMC-nin qanuni təmsilçisi isə Quliyev Abbas Nazir oğludur.
Sözügedən şəxs həm də Müdafiə Sənayesi Nazirliyinə məxsus “Bakı Cihazqayırma Zavodu” MMC-nin direktorudur.